孕婦攝影

攝影師Coral生產日記：Birth Story 剛好是預產期那天，預約了催生。 回想起之前有很多擔心/難關，竟然都一關又一關地順利過了。 12週前，擔心隨時會無心跳 15週，擔心唐氏測試唔過關 20週，擔心照結構照到有問題 24週前，擔心萬一出事，要決定繼續懷孕還是放棄。如果真係失去BB，24週前是會被當是醫療廢物，24週後先可以領遺體。 30週，擔心糖水測試fail 的話要日日吉手指 30週前，擔心早產的話，會救唔番 34週前，擔心早產的話，私家醫院唔收症 38週，擔心中B鍊 40週前，擔心臍帶纏頸，擔心無胎動/胎動過多唔正常，胎死腹中 40週前，擔心萬一自己/老公/醫生中左covid 就無得在私家醫院生 40週前，擔心唔知咩情況下要入院，擔心穿左水都唔知 40週前，擔心難產，無痛分娩無效 經過左咁多擔心後，竟然一樣都無發生過，甚至作動/見紅/穿水都無發生到，產檢日醫生建議於預產期當日進行催生，提早安排免費做covid 測試，慳返唔駛在醫院比錢做。 預約好醫院後，感覺踏實了不少，雖然知道都有機會隨時穿水要入院，但總算唔係無了期咁等。 臨去醫院前幾天，食左好多之前唔敢食嘅嘢，諗住萬一出事死咗，都死而無憾嘛，食左M記，Pizza Hut，雪糕，芋圓涼粉，朱古力等⋯ 臨入院前一天，公司第一次參展，始終唔放心，於是又去了現場工作⋯ 臨入院前一晚，老公幫我洗頭，洗得特別乾淨，因為之後幾日都唔可以洗頭沖涼。 臨入院早上6點，工人為我們準備早餐送行，氣氛有啲似送機咁。7點左右叫左的士，司機見我哋拎咁多野，目的地為醫院，講左句「生得喇？」令我感覺更緊張，好似被送去受死咁，全程車都好安靜。   到達醫院後，安排入院手續，很慢長，驗小便結果糖份超標，都怪最近太放肆。 姑娘幫我內檢及除毛，第一次內檢，成隻手插入妹妹度，感覺好痛，即時有出血，姑娘話我宮頸偏長，位置又入又深，估計產程會好長。 之後姑娘問我是否必須落無痛，我回答她，除非宮口已開到6度後才發現，否則我都會決定打，姑娘笑說，這個情況很罕見，無痛分娩收費$6xxx，首5小時，一般預2萬左右才夠，我屈指一算，即是可能需要用15小時的無痛。 安排塞藥之前，姑娘幫我放了大便，以免生產時尷尬，檢查了半小時胎心，當時大約早上10點，朋友WhatsApp 我問候，知道還未塞藥，估計今晚應該有排玩。 大約11點正式安排陰道塞藥，本以為唔痛，點知原來仲痛過內檢，因為姑娘要放粒藥在宮口入面，仲要卡住個宮口位先得，我痛到撕爛左床上張尿墊。 之後老公就要在醫院外等到探訪時間先可以來探我，我就在病房上休息。 12點叫醫院餐廳外賣，享受埋最後一杯凍檸茶，之後有排無得飲，食飯時都正常，無特別唔舒服或反應，心諗仲未有反應，果然係一場持久戰，2點鐘探訪時間完結，老公要離開搵地方打發時間，等待下一次探訪。 於是我就訓左床上休息，與朋友文字聊天等待，大概3點鐘，有一位姑娘走來跟我聊天，說我其實可以四處走走，不一定要攤在床上啊，我說也不知道可以走去那裏，後腰有點痛也不想動。姑娘說因為我BB 現在的位置可能是側了，撐起我脊骨引致我腰部不舒服，可以試試坐瑜伽球去改變BB 姿勢，我心想反正無聊，便請姑娘帶我去試試。 姑娘帶我到一間無人的病房，開了電視給我，教了我幾個玩瑜伽波的動作，陪伴左我一陣就讓我自己玩，我在玩瑜伽球時有部分動作覺得有點不適，但都在可接受範圍，到4點探訪時間，我就離開回病房等老公探訪。 老公陪伴了我一會，開始覺得有點似月經痛，但可接受嘅程度，姑娘巡房時我有提出，不過姑娘話聽我形容估計應該就唔係陣痛，話要有規律，可能開頭30分鐘痛一次，每次幾十秒，然後時間越嚟越密，加上越嚟越痛嘅先算。 醫生4:30來看我，用手摸了我肚，知道bb位置低了，是有進展的表現，但估計要第二天中午前BB才會出生。 每個人都同我講無咁快，醫生姑娘都係專業人士，經驗豐富，早上檢查宮頸更知道我結構天生比別人難生，所以我也認定自己有排痛，心想盤算着應該幾時決左打無痛。 我是用App 紀錄痛的時間，痛的時候按開始，唔痛時按結束，紀錄左一段時間後，我發現我痛的情況很有規律，都是每2分鐘痛一次，每次40秒，但都還在可以接受範圍，再一段時間後，我開始痛到唔想按手機，開始叫老公幫手紀錄痛楚感，心裡在想，是否應該決定打無痛呢？還是再忍忍呢？而家呢隻算是生產前的陣痛嗎？還是此痛不是彼痛呢？ 5點多，痛的範圍好似擴大了，我每一次痛時都在心裡掙扎，要不要叫姑娘？然後度過了每一次的痛楚。還有，內檢很恐怖，我唔敢亂叫姑娘內檢，每檢一次就痛一次。後來我記得在電話見到有朋友問候我，打左無痛未？於是心裡想，應該差唔多要打無痛了，來私家醫院生都係為左打無痛，點解而家卻在死忍難忍？ 6點前，我在對講機同姑娘講話好痛，姑娘來看我並內檢，驚喜地話，進展不錯，大概開了2度，可以進產房了，老公也很開心，進產房就可以全天侯陪我，不用怕過了探訪時間便唔知去邊好，本來正盤算凌晨要先回家還是在醫院附近等候。 6點安排麻醉科醫生，知道大概要等半小時，姑娘要求老公先離開醫院好好享受晚餐，估計我未有咁快生，再打電話比我主診醫生，聽到姑娘對話內容，大約都係話估計我未生得，不過比定個心理準備醫生可能凌晨時分要過嚟。 等待麻醉醫生這個時間，是整個產程最痛苦的，我痛到只想將自己縮埋一嚿，但姑娘說駁了胎心機，我縮埋同打側身都會令儀器移位，要求我躺平訓，仲要最好伸直隻腳，另一姑娘見到儀器顯示我宮縮又多又密，一座又一座宮縮山顯示了出來，心痛我問我要唔要用笑氣，但我心想，醫生應該差唔多到了，就話唔駛笑氣。 6點半左右，麻醉科醫生終於到，醫生還穿便服，換不及醫生袍，向我解釋無痛分娩的風險，我一隻字都聽唔入耳，只想佢快啲比我簽同意書⋯ 還好醫生見我咁痛苦，都沒有留難我，講左幾句就比我簽名，然後準備打針。醫生要求我打側身擺個蝦米形狀出嚟，但嗰刻嘅我，正在宮縮中打震中，完全控制唔到自己身體，簡直係垂死邊緣，醫生見我咁痛苦，索性將我拖行到佢理想位置，同姑娘夾手夾腳幫我擺蝦米形狀。   麻醉師：而家同你消毒背脊先！我心諗，快啲啦 麻醉師：而家同你打一針麻醉藥在皮膚，等真係打嗰陣你唔痛先！我心諗，快啲啦⋯⋯尤如道友索取毒品般⋯⋯ 麻醉師：你記得唔好郁喎，一郁就好危險架喇！我心諗，玩嘢呀，快手啲啦⋯⋯ 麻醉師：打完喇，不過藥力大概要10分鐘左右先有效⋯我在心裡反眼再反眼

【香港專業孕婦攝影、初生照、百日照、一歲生日Cake Smash、家庭相】- 寶寶小九成長見證 每位父母都不會錯過紀錄子女各成長階段的樣貌，最近有位客人在一年多內找我們拍了一共6輯相！這位媽媽最初在網上找到我們預約拍攝孕婦照、初生攝影及百日照。到寶寶一週歲時，我們為她推介拍攝Cake Smash生日照。剛剛的聖誕節及農曆新年更特意拍了兩輯充滿節日氣氛的BB造型照。這位幸運又可愛的寶寶名叫小九，為何她的名稱如斯特別？因為寶寶還有兩位柴犬哥哥及姐姐 – 小七與小八，所以令小編印象深刻！初次與小九見面時她還是呱呱落地的初生嬰兒，到影Cake Smash時已經懂得小碎步及牙牙學語了！生命真的很奇秒，每一次拍攝都是成長見證！ 初次見面 – 於香港拍攝孕婦寫真 拍孕攝Maternity Photography那天，媽媽除了丈父亦帶了兩只柴犬一同來到我們的影樓拍攝家庭照，而個人造型方面媽媽揀選了很受歡迎的家居風格造型外，更特別喜歡能突顯個性的藝術拋紗造型呢！影樓的六米闊落地玻璃營造完美自然光線，加上Pet-Friendly的環境讓她們都感受到如在家般的舒適感，拍攝後她向我們反饋與攝影師Coral Poon及小編助手相處得有如與閨密交流一樣自然。孕婦攝影拍攝完結後他們都很期待，更隨即為肚中的小九預約拍攝初生照呢！ 上門 初生百日照BB攝影 – 父母難忘 初生拍攝時他們選擇了我們的上門服務，為此我們準備了多款道具及服裝。媽媽對於攝影師包裹寶寶的手勢嘖嘖稱奇，在Coral手中小九很快進入熟睡了，我們一邊拍攝一邊稱讚小九的造型可愛，忍不住要用手機拍下花絮發回給我們。小九的爸爸原來也熱愛攝影，時時好奇我們的拍攝技巧及器材，拍攝完成後，很高興爸爸也喜歡這輯照片呢！至於百天照拍攝，客人同樣選擇了上門拍攝，拍攝當日媽媽為小九別出心裁佈置了房間，拍攝過我們為小九設計的個人造型後，Coral更就地取景為寶寶額外拍攝了一些家居風的照片。小九一家人很喜歡我們富歐美簡約風格的作品，經典耐看。臨近聖誕時，我們又為已經懂坐的小九與兩位柴犬哥哥姐姐拍下一輯可愛的聖誕造型照。我們每年的節日場景都不一樣呢，務求給客人多點新鮮感！ 樂趣滿滿Cake Smash砸蛋糕環節 (推薦！) 為小九拍了數輯相，令小編最難忘的還是小九的一歲生日砸蛋糕照，因為每一次的Cake Smash環節都別具挑戰，有個別寶寶會對蛋糕感到害怕或不想弄髒，有些則對蛋糕充滿好奇，哄寶寶的技巧截然不同！而小九屬於後者，對砸蛋糕擁有滿滿的樂趣，最後更把整個美味的忌廉蛋糕吃乾淨，我們亦成功拍下多張令客人滿意的照片。今次拍攝最令媽媽驚喜的地方是我們能按媽媽於拍攝兩天前才告訢我們的要求，找來兩位本地職人 – 木匠Geoff及花藝師Ling，在極短時間內設計好蛋糕上的生日一歲字牌及小九頭上的花朵頭飾。 兩位達人相助 – Cake Smash 木工與花藝 木匠Geoff Wong擁有自家工作室「孜木」，工作室會定時舉行木工手藝工作坊，例如情人節時舉行了實木匙扣工作坊，讓每一位想體驗木工的朋友都能一試親手創作木藝品的樂趣。另外工作室亦接收客製訂單，細至小型簡易木箱、手機座、大至鞋架等都以手工製作。當Geoff收到我們的請求時，便馬上與我們討論字牌的設計及動手製作。小羊攝影與「孜木」的合作除了這款生日一歲字牌，更創作了兩款全手工本地製作的初生嬰兒攝影道具，有非常夢幻的月亮形木床，以及聖誕雪橇。如果你有留意我們的IG，不少初生嬰兒照也會見到我們採用了這兩款藝術品作道具，許多客人對我們能拍出與眾不同的作品都讚不絕口！ 花朵頭飾則是出自花藝師Ling Wong的手中。因為Coral的作品一向鍾情充滿色彩及生氣的花朵頭飾，尤其與初生嬰兒配襯更顯和諧，因此我們與Ling一直有不少合作，彼此的作品相互緊扣。Ling擁有的個人花藝品牌”Chic Florist”會定期舉辦保鮮花工作坊，於聖誕節時亦有聖誕花環和迷你聖誕樹工作坊。品牌有鮮花花球、絲花花球、感謝花束等花藝創作，亦會為影樓插花佈置。這次Ling為我們通宵達旦創造出這款獨一無二的頭飾，與Geoff製作的生日蛋糕牌配搭得·天衣無縫，今次為小九順利完成拍攝實在要感謝兩位職人老友的協助！ 「孜木」- Geoff Wong https://www.instagram.com/geowoodhk/ https://geowoodhk.com/ “Chic Florist” – Ling Wong https://www.instagram.com/chic_florist/ https://www.facebook.com/CHICflorist